LAOAG CITY – Inpabuya ti maysa a babai manipod idiay California dagiti sumagmamano a maaramidan na kas maibilang a kadakkelan ti dila iti intero a lubong.
Karaman kadagiti kabaelan na nga aramiden ket ti panagay-ayam na iti Jenga, agi-flip ti tasa ken mangtenggel iti kutsara.
Ni Chanel Tapper, agtawen ti 34, ket iggem na ti Guinness World Record kas longest tongue (female) sipud idi 2010.
Inbatad na a ti dila na ket agatiddog iti 3.8 a pulgada no sadinno a ti umuna a reaksyon dagiti makakita ket agikkis dagitoy gapu iti pannakakigtot da.
Inpakaammo na a ti panagbalin na kas Guinness World Record-holder ket mangipapaay kenkuana kadagit saanna a ninamnama nga oportunidad kas ti pannakaala na iti advertising campaign para iti Italian fashion brand Diesel.
Innayon na a ti paborito n kas record holder ket tunggal adda ti pagturungan na a lugar ket ado dagiti maam-ammo na a dadduma a record holders.
