LAOAG CITY – Nakagun-od ti Guinness Record ti maysa a babai nga addaan ti nalukmeg a dila a dakdakkel pay ngem iti bola ti pingpong.
Kinumpirmaran ti records keeping organization a Guinness World Records a ni Ambra Collina ti baro a world record holder ti titulo a “Largest Tongue Circumference (Female).”
Daytoy ket kalpasan a ti dilana ket addaan ti 13.83 centimeters wenno 5.44 inches.
Ti circumference ti dila ni Ambra ket dakdakkel ngem iti kadakkel ti maysa a pingpong ball.
Naammoan a tapno makumpirmaran ti kadakkel ti dila ni Ambra, maysa a doktor ti namitlo a daras a nangrukod iti daytoy no sadinno ti average ti tallo a measurement ti nagbalin a final measure daytoy.
Inbatad ni Ambra, maysa a pammadayaw para kenkuana ti mairaman iti Guinness Book of World Records gapu ta ubing pay laeng isuna ket paboritona daytoyen a basaen ken kitaen dagiti ladawan dagiti indibidual a makagungun-od ti nagduduma a world records.
