LAOAG CITY – Maysa a babai nga agtawen iti 62 a ni Cathie Jung manipud Amerika ti napadayawan gapu ta naibilang nga isu ti kabassitan ti rukod ti siket iti intero a lubong.
5 feet and 8 inches ti katayagna idinto a ti rukod ti siketna ket 15 inches laeng no naka-corset kabayatan a 21 inches ti rukodna no saan a naka-corset.
Naammoan nga idi agtawen 18 ni Cathie ket damona ti agusar iti corset, ngem idi madanonna ti 30 a tawenna, kanayon nga isuotna daytoy ken sana lang ikkaten no agdigos.
