Naburak ti maysa a babai iti United Arab Emirates ti Guinness World Record babaen ti panagsurat na ti 150 a nagduduma a sarita iti maysa nga sticky note.
Ni Pushpajothi Ravikumar, agtawen ti 29, ket inusar na ti kinalaing na nga agsurat iti babassit a letra iti eksaminasyon idiay Dubai a nangitunda ti pannakagun-od na ti rekord a “most words written on a sticky note”.
Inbatad na a sipud idi ubing ket agbuybuyan ti Guinness World Records ken inar-arapaap na nga agbalin a paset iti daytoy.
Kuna na a nagbalin nga inspirasyon na dagiti tattao a nakagun-od ti titulo, nga isu met ti nangiduron kenkuana tapno ipursige ti mangaramid ti bukod na a rekord.
Inpakaammo na a pinili na dagiti simple a sarita, a kaadoan ket tallo laeng a letra tapno ado ti maisuratna iti maysa laeng nga sticky note.
