LAOAG CITY – Nagpanawagan ni Arlyn Tan Luminding kalpasan a saan pay a nagawid ti live in partner-na a ni Maynard Quimoyog nga agpada a residente iti Brgy. Aglipay iti siudad ti Batac.
Segun kenkuana, adda ti problemada nga agasawa a saanda a nagkinnaawatan a nangitunda ti panagriri dagitoy.
Inbatadna a sakbay a nagtalaw iti pagtaenganda ti live in partner-na ket naungtanna daytoy kalpasan a natiliw isuna ti traffic enforcer ditoy siudad ti Laoag gapu iti panaglabsing iti linteg trapiko.
Inlawlawagna nga adda ti tallo ket kagudua nga aldawen ti napalabasen sipod nagpukaw ti live in partner-na.
Kunana a padpadasenda met a tawagan ti numero ti selpon ti live in partner-na ngem saan daytoy a makontak.
Inpalgakna a pinadasna pay ti napan kadagiti kabagian wenno pagayam a mabalin a papanan ti live in partner-na ngem napaay daytoy.
Innayonna a dagiti makakita ti live in partner-na ket mabalin laeng a tawagan ti numerona a 0981-160-1731.
