LAOAG CITY – Naipilan iti kaso a human trafficking ti maysa a babai a taga Brgy. Raraburan sitoy siudad ti Laoag kalpasan a natiliw babaen kadagiti kameng ti National Bureau of Investigation.
Segun kenni Atty. Diosdado Araos, mangidadaulo ti NBI ditoy probinsia, maysa kadagiti tallo a biktima ket menor de edad.
Kuna na a ti modus ti nadakamat ti suspek ket mangidiaya iti trabaho ngem ti kinapudno na ket ibugaw na dagitoy.
Gapu iti daytoy, naallukoy dagiti biktima gapu iti trabaho nga indiaya ti suspek nupay saan da nga ammo a maibugaw dagitoy.
Naamuan nga agtrabtrabaho ti menor de edad kas para dalus ti bote iti junk shop.
