LAOAG CITY – Agtultuloy a maag-agasan ti biktima kalpasan a natagbat iti Brgy. Tapao-Tigue iti ili a Currimao.
Nabigbig ti biktima a ni Princess Rafanan y Raras, agtawen ti 31, residente ti Brgy Sabangan, Sinait, Ilocos Sur.
Segun ti PNP, tinagbat ti suspek a ni Frederick Rafanan, agtawen ti 47, maysa a mangalap, asawa a mismo ti biktima, residente ti Brgy Teppeng, Sinait, Ilocos Sur
Iti inisyal nga imbestigasyon ti PNP Currimao, bayat ti panagpaamianan ti biktima a nakalugan ti kurong-kurong ken inturong ni Helmar Melendrez, agtawen ti 31, residente ti Brgy Sabangan, Sinait, Ilocos Sur idi ta dinungpar ti maysa a lugan nga inturong ti suspek.
Bimmaba ti suspek a nakaiggem ti buneng ken gandaten na a tagbaten ni Melendrez ngem nakataray.
Gapu iti daytoy, ti biktima iti tinagbat ti suspek ken dinangran na daytoy.
Nagsagaba ti biktima ti sugat iti takyag ken ulo na ken insegida a naitaray iti Currimao Rural Health Unit ken naiyakar iti Mariano Marcos Memorial Hospital and Medical Center iti siudad ti Batac
Natiliw dagiti otoridad ti suspek iti ili ti Sinait kalpasan ti insidente.
Rumrumwar a love triangle ti motibo ti insidente.
