LAOAG CITY – Natakawan ti cellphone ti maysa a babai iti uneg a mismo ti maysa a Remittance Center iti paset ti Barangay Ricarte iti ciudad ti Batac.
Nabigbig ti biktima a ni Mylene Joy Ramos, residente met laeng iti nadakamat a ciudad.
Inlawlawag iti Bombo Radyo Laoag ni Ramos a napan iti nasao a pasdek tapno mapan agbayad ti bill da iti maysa a telecoomunication company idi napasamak ti insidente.
Inbatad na nga iti pannakarebisar ti CCTV footage a nakaimuntar iti uneg ti pasdek, makita a saanna a napidot ti cellphone na a nakaparabaw iti counter sakbay a rimuar.
Adda met ti dua a customers a simmaruno kenkuana ngem saan da nga innala ti cellphone na.
Simmaruno a simrek dagiti agasawa ken ti lalaki ket agsipot-sipot iti uneg kalpasan na ket napan nangala ti number iti counter sakbay a napan nagtugaw iti ayan ti asawa na.
Makita pay iti CCTV footage nga idi bassiten ti tao iti uneg ket ginundawayanen ti lalaki a napan pinidot ti cellphone na kalpasan na ket napan na inpulang ti numero na iti counter bulon nan ti rimuar a sinaruno met ti asawa na.
