LAOAY CITY – Natay ti maysa a babai kalpasan a nalmes iti baybay a paset ti Brgy. Pangil idiay ili ti Currimao.
Nabigbig daytoy a ni Florida Puyaoan, addaan ti umno nga edad, balo ken residente ti Brgy. Biloca idiay ciudad ti Batac.
Iti imbestigasyon, adda iti igig ti baybay ti katugangan ti biktima a ni Rosita Puyaoan, agtawen ti 72, balo ken residente iti nasao a barangay idi nakita a tumtumpaw ti biktima.
Gapo iti daytoy, naitaray iti Municipal Health Office iti ili ti Currimao ngem naideklara a dead on arrival.
Segun ti PNP-Currimao, nabayag a nakita ti biktima a tumtumpaw isut gapo na a saan a naisalbar ti biag na.
