LAOAG CITY – Nakasagana a tumulong ti driver ti kotse a nakadinnungpar ti nakalugan ti motorsiklo idiay ili ti Bangui.
Daytoy ti inbatad ni P/C/Insp. Samson Amistad, Hepe ti Pulisya ti nasao nga ili mainaig iti no adda kadin ti nagsaritaan ti pamilya ti pimmusay ken ti nakidinungpar na.
Segun ken ni Amistad, iti laksid a no kitaen da ti napasamak ket rumrumuar nga immagaw ti linya ti nakalugan ti motorsiklo a ni Evalyn Carnate agtawen ti 46, naasawaan ken residente ti Bgy. Lanao iti nasao nga ili ket nakasagana a tumulong ti driver ti kotse a ni Reynaldo Monreal Jr. agtawen ti 26 ken residente ti San Juan Taytay Rizal.
Kuna na a maawatan na ti sitwasyon isu nga inbaga a no addanto tiempo na dagiti nagpasina ket nakasagana daytoy a makisarita.
Nupay kasta kuna ni Amistad a no awan laeng ti maipila da a reklamo kontra ken ni Monreal ket wayawayaan da ken agtennag ton a regular filing ti maipila a kaso.
Mapalagip nga agpapaamyanan a direksiyon ti nakamotorsiklo idi maipagarup nga immagaw ti linya bayat ti kaaddanan iti national highway a paset ti Bgy. Malasin iti nasao met la nga ili idi sumungad ti kotse nga inturong ni Monreal rason iti panagdinupar dagitoy.
Naitaray met nga insigida ti biktima iti ospital ngem naideklara a pimmusayan babaen ti attending physician na gapu iti sinagaba na a “fractured” kadagiti nagduduma a paset ti bagi na ken dunor daytoy.
