LAOAG CITY – Temporayo a nawayawayaan ti suspek iti panagtatakaw iti Savemore ditoy ciudad laoag a ni Lyn Villas, agtawen ti 47, naasawaan ken residente iti Brgy. #17-A, Fatima St., Aurora Hill, Baguio City at Savemore.
Daytoy ket kalpasan a nangiparuk-at ni Executive Judge Myra Shiela M Nalupta of MTCC, Branch 1, Laoag City ti release order.
Naamuan nga iti laksid a naipila ti kaso a theft ken nairekumendaran daytoy ti 10 a ribo a pisos para iti temporaryo a pannakawayawaya na babaen iti piskalya ti ciudad ti Laoag, ngem kalpasan a dimmanon iti korte ken kalpasan a naadal ket nagtennag daytoy iti Revised Rule on Summary Procedure and the Judicial Affidavit Rule ken Revised Guidelines for Continuous Trial of Criminal Cases.
Maipalagip a nasukalaan ti biktima a saan a nagbayad dagiti innala a powdered milk nga agbalor iti 2,399 pesos kalpasan a daytoy ket maipagarup a saan na nga indagas iti counter tapno agbayad nga idiayen a ginammatan da.
