LAOAG CITY – Nagtalinaed iti Mariano Marcos Memorial Hospital iti ciudad ti batac ti biktima ti panagtagbat idiay Adams, Ilocos Norte.
Nabigbig ti biktima a ni Charlie Montemayor ‘agtawen ti 46, naasawaan, mannalon ken residente iti Sitio Anat, Poblacion 3 iti nasao nga ili idinto a ti suspek ket ni Eden Tacderas y Hernandes, agtawen ti 39, balo ken residente iti nasao a lugar.
Segun kenni PO3 Willie Aganin, imbestigador iti PNP Adams, ti biktima ken dagiti suspek ken ti agnagan ti Richard ket nag-iinom da iti mismo a balay ti biktima ket ditoy a timpuar ti saan a nagkinnaawatan ni Montemayor ken Tacderas.
Gapo iti daytoy, tinagbat ti suspek ti biktima ken nagsagaba ti sugat iti abaga, likud ken bakrang na a nakaitarayan na iti Rural Health Unit ngem naiyakar met laeng iti ospital iti ciudad ti Batac.
Ti agdama ket adda ti suspek iti kustudiyar ti pulisya ken maipilaan ti kaso kriminal ken rumrumuar nga ado ti rekord na iti PNP.
Agtultuloy met ti imbestigasyon dagiti otoridad mainaig iti nasao a pasamak.
