Babbaro nga school buildings iti Ilocos Norte, maipagarop a substandard

BOMBO LAOAG – Kiniddaw ni DepEd Supt. Mrs. Vilma Eda iti Department of Public Works and Highways (DPWH) ti panagimbestigar da kadagiti kaipatakder nga school buildings ditoy probinsya.

Daytoy ket gapu ta maipagarop a substandard ti pannakaaramid dagiti nasao nga school buildings.

Immuna ti daytoy, ado dagiti kaipatakder nga school buildings a nadadael iti iduduprak ti bagyo Ompong ditoy probinsya.

Gapu ti pannakadadael dagiti kaipatakder nga school buildings ket ado dagiti kagamitan kadagiti nasao a pagadalan a nadadael, karamanen dagiti 145 a computer sets.