LAOAG CITY – Inbatad ni Mr. Vic Dabalos, ti Environment and Natural Resources Officer (PENRO) ditoy probinsya a masapol a maikali dagiti baboy nga apektado ti African Swine Fever (ASF) virus kadagiti lugar a namaga ken saan nga asideg iti ubbog, bubon wenno karayan.
Kuna na a nasaysayaat pay no mapuuran dagiti baboy nga apektado ti ASF virus tapno masigurado a naan-anayen a mapukaw ti virus.
Inlawlawag na a no maikali dagiti nasao a baboy iti agbasa a lugar ket possible a no agrupsa ket maitipon daytoy iti danom ti bubon wenno ubbog.
Inpetteng na a no mapasamak daytoy ket delikado para kadagiti possible a makainom ti danom.
