LAOAG CITY – Dinayyeg ti magnitude 4.0 a gingined iti ili ti Bacarra.
Basar iti Philippine Institute of Volcanology and Seismology, nagsentro ti gingined iti agarup lima a kilometro iti laud ti nasao nga ili.
Addaan ti kauneg a 25 a kilometro ken namunganay babaen ti tectonic.
Narikna ti intensity 4 iti ili ti Pasuquin, Intensity 2 ditoy siudad ti Laoag ken Intensity 1 iti ili ti Sinait, Ilocos Sur.
Awan pay ti nairekord a nadadael ken awan dagiti mapasamak nga aftershocks, basar ti nasao nga ahensya.
