LAOAG CITY – Inrakurak ti City Health Services Office-Reproductive Health and Wellness Center ti 211 a kumpirmado a kaso ti Human Immunodeficiency Virus-Acquired Immuno-deficiency Syndrome (HIV-AIDS) idiay Baguio City idi Nobiembre.
Segun ken ni Ghay Hope Alangsab, CHSO HIV-AIDS program co-manager, dagiti pasiente ket agtawen ti 20 agingga iti 29.
Inbatadna a masapol a paigetan ti kampaniada kadagiti agtutubo.
Daytoy ket kageddan ti World AIDS Day celebration nga addaan ti tema a “Take the Right Path,” binigbig ti City Health Services Office dagiti partner ken supporter daytoy iti panangikagumaan ken dedikasionda nga ikalintegan ti pannakaipatungpal ti ahensia tapno malappedan ti HIV-AIDS epidemic inton 2030.
Ginutigot ni Dr. Celia Flor Brillantes, City Health Officer, ti publiko nga ipatungpal dagiti karebbenganda.
