LAOAG CITY – Manamnama nga ag-landfall iti eastern Australia ti bagyo Alfred.
Basar iti Bureau of Meteorology, nai-downgrade daytoy iti tropical low nga addaan ti kapigsa ti angin nga 85 kilometer per hour.
Nupay kasta, sumagmamano nga indibidual iti lugar ti Bribie Island ken Maroochydore ti naibakwit.
Nagballaag dagiti otoridad ti publiko nga agtalinaed iti uneg ti pagtaenganda.
Naammoan a maarestar ken mamulta ti asinoman ng agturong kadagiti kabaybayan.
Nangitunda ti napigsa a tudo ti nasao a bagyo idiay Queensland ken northern New South Wales.
Kabayatanna, nangikabil ti sandbags dagiti residente tapno saan a makastrek ti danum gapu iti layos kadagiti pagtaengan dagitoy.
