LAOAG CITY – Naipaayan kadagiti basic necessities wenno kangrunaan a kasapulan ti Bahay Pag-asa Youth Rehabilation Center iti Brgy. Cabungaan-A ditoy siudad ti Laoag babaen iti Department of Social Welfare and Development (DSWD) Regional Juvenile Justice Welfare Council( RJJWC ).
Segun kenni Ms. Perlita Cabello, mangidadaulo ti City Social Welfare and Development ditoy siudad ti Laoag, dakkel a tulong daytoy para iti Bahay Pag-asa Youth Rehabilatation Center tapno maipaayan ti naan-anay a suporta dagiti ubbing a maikabkabil iti nasao a pasilidad.
Kunana a dagiti nasao a banag ket mangited iti ragsak kadakuada iti innaldaw a panagbiagda iti uneg iti Bahay pag-asa Center.
Inpakaammo na a dagiti naipamaima kadakuada ket pakairamanan dagiti taraon, badbado, hygine kits, therapeutic equipment, operations and maintenance materials ken dagiti livelihood projects a kas iti training kits para iti haircutting, bread ken pastry making.
Kabayatanna, kuna ni Cabello a sidadaan da pay a mangipaay iti serbisyo gapu ta ammo da nga ado pay dagiti agkasapolan ti tulong ditoy siudad kangrunaan na dagiti ubbing a pinanawan dagiti nagannakna wenno awanen iti pagnaedan da.
