LAOAG CITY – Nauram ti bakante a lote iti sango ti maysa a subdivision iti paset ti Barangay Bengcag ditoy ciudad ti Laoag.
Segun kenni Fire Officer 3 Glenn Cabias, maysa daytoy a grass fire ken namunganay ti uram iti sigarilyo a naibelleng iti nakatambak a basura iti nasao a lote.
Nupay kasta, kuna ni Cabias a saan a nakaro ti uram gapo ta bassit laeng a parte ti nauram.
Inbatad na nga idi nakadanon dan iti nakapasamakan ti uram ket bassiten ti apoy ngem sinebseban da latta kas panangsigurado da nga awanen ti nabatbati uray sangkabassit nga apoy.
