LAOAG CITY – Addan iti natalged a kasasaad ti maysa a babai kalpasan a nganngani nalmes bayat ti panagdigdigos na iti baybay a paset ti Bgy. Saud iti ili a pagudpud.
Pinasingkedan daytoy ni P/C/Inps. Lawrence Ganuelas, Hepe ti Pulisya ti nasao nga ili.
Segun kenkuana, idi kalman iti bigat na a napasamak daytoy a no sadinno a ti nganngani nalmes ket ni Romelyn Tomas iti Bgy. Accusilian, Tuao, Cagayan.
Insigida met nga inarayat daytoy ti lifegurad a nakadestino iti nasao a lugar kalpasan na ket intaray da iti Rural Health Unit ti nasao nga ili.
Mainaig iti daytoy, pinasingkedan ni Ganuales nga amin dagiti beach resorts ti nasao nga ili ket adda amin ti lifeguards na kasupadi ti maibagbaga nga awan.
Kuna na pay a nalinak ti baybay idi mapasamak ti nganganin malmes ni babai.
Innayon ti opisyal a naipagunamgunam kadagiti agtagikua kadagiti beach resort a masapul nga adda marka ti pagpatinggan ti mabalin da a pagdigusan da.
