LAOAG CITY – Nakapartuat dagiti siyentista ti bakuna nga addaan ti potensyal a makatulong a mangprebentar iti sumagmamano a klase ti pancreatic ken colorectal cancers.
Ti nasao a bakuna ket naeksamin iti Phase I trial nga indauloan dagiti agsuksukisok iti The University of Texas MD Anderson Cancer Center.
Ti nasao a bakuna ket naawagan nga ELI-002 vaccine, ket nakita a makakissay ti risgo iti relapse kadagiti tattao nga addaan ti pancreatic ken colorectal cancers nga immunan a dimmalan iti surgery ken chemotherapy.
Naammoan a dagiti tattao a dimmalan iti surgery para iti pancreatic ken colorectal cancer ket addaan ti nangatngato a risgo iti relapsing.
Kabayatanna, ti kaadda ti epektibo a bakuna ket labananna ti mabatbati a cancer cells iti bagi ken makaipababa ti risgo iti relapse ken ngumato ti tsansa ti survival.
