LAOAG CITY – Naamuanen ni Mrs. Milagros Corpuz-Longboy, agtawen ti 42, naasawaan ken residente iti Brgy. Manalpac iti ili ti Solsona, ti lokasyon ti anak na a babai kalpasan a naireport iti Philippine National Police ken naipost iti social media a mapukpukaw daytoy itay kallabes.
Segun kenni Mrs. Longboy, timmawag kenkuana ti nobyo ti anak na a babai, agtawen ti 18, nga agtrabtrabaho kas maysa nga ahente iti grocery store iti ili ti San Nicolas.
Nagyaman met iti PNP kalpasan a nabirokanen ti anak daytoy.
Immunan a nagreport ti ina iti PNP Solsona gapu ta tallo nga aldaw a saan da a napasangpet ti balasang ken naipadanun pay ti report iti Ilocos Norte Police Provincial Office.
