LAOAG CITY – Isagsaganan ti PNP-Piddig ti reklamo kontra iti agnagan iti Ofelia Matute y Matute, agtawen ti 58 awanan asawa , awanan trabaho ken residente iti Brgy. #19, Abucay, Piddig, Ilocos Norte.
Daytoy ket kalpasan a pinagsawsaw-an ken ginandat na a dangran babaen iti panagaramat na ti balisong ti agnagan iti Marielle Magat y Navarette, agtawen ti 20, awanan ti asawa 4th year college student ken residente met laeng iti nasao a barangay bayat a nagrana da iti Public Market ti nasao nga ili idi kalman.
Segun ken ni P/S/insp. Jeffre Taccad, Hepe ti Pulisya ti nasao nga ili, rumrumuar a riri ti daga ti pamilya ti biktima ken ti suspek ti nangaramidan ti suspek a namagsasao iti agkakadakes ken nakaibabaaan ti kinatao ti balasang ken ginandat na pay a bagkungen.
Kuna na, imbag ta adda nakakita a Bgy. Tanod ket inanawa da ti suspek ken naagaw da ti balisong.
Kuna ni Taccad a nakasagana ti biktima nga agpila ti reklamo kontra iti suspek ket no matuloy manamnama a maipila ti reklamo nga Illegal Possession of Deadly Bladed Weapon, ken Grave Threats and Grave oral Defamation kontra ti nasao a suspek.
