LAOAG CITY – Nagballigi dagiti otoridad a nangtiliw ti maysa a babai iti Sitio Paratong, Barangay Paratong, Badoc, Ilocos Norte a maibilang a Top No. 8 iti municipal level iti ili ti Cabugao idiay Ilocos Sur.
Nabigbig daytoy a ni Jeisalyn Castillo, agtawen ti 29, balasang ken residente iti Barangay Pug-os, Cabugao, Ilocos Sur.
Natiliw ni Castillo babaen ti bileg ti maysa a warrant of arrest gapu ti kaso na nga estafa.
Nairekomendar ti 60 a ribo a pisos a piyansa ni Castillo para ti temporaryo a pannakawaya-waya na.
