LAOAG CITY – Kinumpirmaran ni Jennifer Masarang iti Barangay 3 ditoy ciudad ti Laoag a nakuryente ti kasinsin na a menor de edad.
Segun kenni Masarang, nakigtot laengen idi nagikkis ti biktima ken idi napan na kinita ket dagus a nagpatulong iti kabsat na tapno maibaba ti balasitang.
Naamoan a ti nakapasamakan ti pannakakuryente ti biktima ket iti tuktuk ti balay da, ken asideg iti pagsalapayan da ti live wire na isu ti patyen na a nasagid ti kasinsin na.
Inlawlawag na a saan na nga ammo no anya ti rason no apay a nakdanon ti biktima iti bubungan da.
Kunana nga idi naibaba da ti biktima ket awan ti anges na ngem adda ti nangiyuswa ti CPR agingga a naalaw na met laeng ti anges na ken dagus met a naitaray ti biktima iti Gov. Roque Ablan Senior Memorial Hospital ditoy ciudad ti Laoag.
