LAOAG CITY – Naminpinsan a dimmapo ti maysa a balay iti Barangay Lubnac, Vintar, Ilocos Norte.
Binigbig ni SFO2 Dennis Pacnat, firemarshall iti ili ti Vintar ti agtagikua ti balay a ni Mrs. Flordeliza Sacro, residente met laeng iti nadakamat a barangay.
Inbatad ni Pacnat nga idi nauram ti balay da Sacro ket awan ti tao ken alisto laeng a nagramram ti apoy gapu ta daytoy ket naaramid babaen ti “light materials”.
Innayon na nga awan ti ammo dagiti agtagikua ti balay no ania ti nangrugyan ti apoy.
Iti agdama, agtultuloy ti imbestigasyon dagiti kameng ti BFP no nangrugyan ti apoy ken mano ti balor dagiti nadadael.
