LAOAG CITY – Awan pulos ti nasalbar a kagamitan iti nauram a balay ti pamilya Fiesta Barangay Madiladig ditoy ciudad ti Laoag.
Karaman a nauram ti kwarta a naglakoan iti tianggi ti nasao a pamilya.
Iti eksklusibo nga interview ti Bombo Radyo Laoag iti agtagikua ti balay a ni Mr. Glenn Joy Fiesta, inbaga na a sakbay a napasamak ti uram ket nakita ti anak na nga adda ti agrisak-risak iti linya ti service drop isut gapuna a napanna pinuted daytoy.
Kabayatanna, inbaga ni Fire Senior Inspector Ronald Castillo, ti firemarshall ditoy ciudad ti Laoag nga idi napanda nagresponde ket nauramen ti 75 a porsiento a paset ti balay.
Kuna na a saanna pay a maibaga no ania ti pudno a nangrugyan ti apoy ngem iti inisyal a makitkita da ket electrical fire.
Innayon na nga itultuloy da ti agimbestigar tapno madeterminar da a naimbag ti namonganayan iti pannakauram ti balay ti pamilya Fiesta.
