LAOAG CITY – Narebba ti kwarto ti maysa a balay kalpasan a nadungpar ti maysa a kotse iti Barangay 3, San Nicolas, Ilocos Norte.
Nabigbig ti agtagikua ti balay a ni Alexander Paguirigan idinto a ti nangiturong ti Toyota Corola nga agmaris ti nalabbaga ket ni Wilmar Battulayan, taga Barangay 18 iti nasao nga ili.
Iti imbestigasyon, agawid koman ni Battulayan ken ti dua a kadwa na manipod iti maysa a paggiinuman idi napasamak ti insidente.
Naamoan nga agkurba koma da Battulayan ngem gapu ta sabali ti napaddakan na ket sabali nagturungan na a nakadungparan na ti balay ni Paguirigan.
Gapu iti kapigsa ti pannakadungpar ni Battulayan iti balay ni Paguirigan ket arigna awan ti nagbalbalinan ti kwarto da.
Nagasat gapu ta nairana nga awan ti tao iti kwarto ni Battulayan idi napasamak ti insidente.
Naipadalan nga immuna iti eksaminasyon ni Battulayan tapno makumpirmaran no daytoy ket nakainom ti nasanger wenno saan.
Naituding nga agsasarita dagiti masekna ita nga aldaw mainaig iti napasamak.
