LAOAG CITY – Burburtia kadagiti kameng ti PNP iti ili ti Bangui ti napasamak a panagtatakaw iti pagtaengan dagiti agasawa nga Ednalyn ken Edwin Ramoran iti Bgy. Lanao iti nasao nga ili.
Segun ken ni PO2 Rolly Ramoran Jr., Investigator on Case, daytoy ket gapu iti kaawan ti nakita da a napuwersa wenno nadadael a paset ti pagtaengan ti biktima ken natotor na ti nagtakaw.
Kuna na nga iti report ti Ednalyn kadakuada, ni Mister na ti nakadlaw ti danapeg isu a bimmangon ket nakigtot gapu ta nakita a nakalukat ti “backdoor” da ken nakita na a naiwara ti brown a bag na iti “dirty kitchen” da.
Kun a pay ni Ednalyn a simrek ti suspek iti kuwarto na babaen iti pananglukat na usar ti tulbek nga adda iti rabaw ti lamisaan iti ‘living room”.
Naitaray ti suspek dagiti sumaganad; uppat (4) a relo, innem (6) a singsing, innem (6) a kuwentas ken aritos, maysa (1) a unit ti ACE 32 inches a Television, ket cash iti nagduduma a denominasyon nga agarup Php 20,000.00.
Mapattapatta a ti balor dagiti alahas ken ti telebisyon ket umab-abot iti agarup 100 a ribo a pisos.
Segun pay ken ni Ramoran, kitkitaen da ti posible a ginudaway ti suspek ti simrek iti balay idi rimmuar ti kakaisuna nga anak dagiti agaswa a napan nagpaload ti celphone na ket idi agsubli, saan a nadlaw nga adda nakastrek ken inur-uray na a nakaturog da amin kalpasan na ket nagtakaw.
