LAOAG CITY – Temporaryo a mausar ti Balay Silangan iti ili ti Dingras kas Municipal Isolation Unit.
Segun kenni Mayor Joefrey Saguid, agtultuloy ti panagsangpet dagiti returning overseas Filipino ken dagiti Locally Stranded Individuals wenno LSI iti ili da.
Kuna na a kabaelan a maakumudar dagiti innem a tattao iti balay-silangan a pagtarusan dagitoy.
Inbatad ni Saguid nga adda pay ti Mothering Center ti Dingras a makaakumudar iti 12 a tattao para ti panagquarantine dagitoy.
Innayon na nga inaramat da nga isolation unit ti balay-silangan gapu ta nagturposen dagiti drug reformist.
