LAOAG CITY – Umabot iti uppat nga empty shells ti kalibre 45 a paltog ti narekobre dagiti otoridad iti sango ti balay da dati a Barangay Chairman Rodolfo Queron iti Barangay Aglipay idiay ciudad ti Batac.
Daytoy ti kinumpirmaran ni Police Major Emerson Dauz, ti chief of police iti nasao a ciudad.
Iti imbestigasyon, rumrumuar a pasado alauna itay parbangon ket adda ti maipagarop a napan nagpaltu-paltog iti sango kangrunaan na iti gate ti balay da Queron.
Inbatad ni Dauz nga adda ti panagdudua da gapu ta saan a napan inreport a dagus ti nasao a dati a kapitan ti napasamak.
Ginandat ti Bombo Radyo nga interviewn ni Queron ngem nagkedked daytoy a nagsarita.
