LAOAG CITY – Negatibo ti resulta ti naiyuswat a search warrant operation idiay Barangay Aring, Badoc, Ilocos Norte.
Inbatad ni Police capt. Joseph Tayaban, ti chief of police iti ili ti Badoc a ti subject ti operasyon ket ni Rodelino Sarmiento y Lobino, dati nga OFW ken residente met laeng ti nasao a lugar.
Inlawlawag na a naipalaon iti search warrant iti maysa nga m16, kalibre 45 a paltog ken 9mm.
Nupay kasta, kuna na nga awan ti narekobre da a paltog no di ket dagiti laeng accessories ti paltog, dua nga handguard, lasers, assorted tools, flashlight, laser light ken dadduma pay.
Segun kenkuana ti search warrant ket inparuk-at ni Hon. Mervin Samadan, Acting Presiding Judge, RTC 1st Judicial Region Branch 70, Burgos, Pangasinan ken ti nagaplikar ket ti Regional Intelligence Division iti PNP-Region I.
Immunan nga inbatad ni Tayaban nga awan ti ipila da a kaso kontra ken ni Sarmiento, ngem inbabawi na met laeng ken inpakaammo na a pilaan da latta ti kaso a panaglabsing iti RA 10591 wenno wenno Comprehensive Firearms and Ammunition Regulation Act, ken makaammon ton ti korte a mangadal iti daytoy.
