LAOAG CITY – Nasakit para kenni Barangay Chairman Sonny Camangeg ti Brgy Ricarte idiay siudad ti Batac kalpasan a dimmapo ti balay da.
Segun ti kapitan, nairaman a nauram ti 200 a ribo a pisos ken dagiti sanikua da.
Iti pannakiuman ti Bombo Radyo Laoag kenni Provincial Fire Marshal Bonifacio Sacatrapus, kuna na a nangrugi ti uram iti kusina ti balay, basar pay kadagiti palawag dagiti karruba ti kapitan ken ti ubing a nabati iti balay.
Inlawlawag ti opisyal a nagtuno ti ina ti ubing ken dagus a nagtalaw gapu ta napan namalon ken ditoy a nabaybay-an ti nagtunuan na a poon ti napasamak nga uram.
Nupay kasta, agtultuloy ti imbestigasyon dagiti kameng ti Bureau of Fire Protection iti napasamak nga uram ken ti balur dagiti nadadael a sanikua.
Naamuan a maysa a family house ti pagnanaedan ti barangay chairman.
