LAOAG CITY – Naarestar ti maysa a balikbayan a maibilang kas wanted person iti ili ti San Nicolas.
Ti suspek ket maysa a babai, residente iti Barangay 15 iti nadakamat nga ili ken sumangsango iti kaso a 2 counts ti panaglabsing ti Anti-Bouncing Check Law.
Basar ken ni Police Capt. Sygman Benigno, ti chief of police iti ili ti San Nicolas, naipila ti kaso kontra iti suspek idi 2022.
Nupay kasta, iti pannakaiparuk-at ti warrant of arrest idi 2024 ket saan da a naiserbi a dagus gapu ta nagturongen ti suspek idiay Canada.
Innayon na nga iti panagbakasyon ti suspek para iti Undas ket ditoyen a napanda inserbi ti warrant of arrest.
