LAOAG CITY – Manarimaan ti panang-verify ti PNP-Bacarra no adda ti lisyensya ti paltog nga inusar ti maipagarop a nagpaputok ti paltog iti Barangay Cabaroan iti nasao nga ili.
Daytoy ti inbatad ni Police Major Rommel Ramos, ti chief of police ti PNP-Bacarra.
Ummuna iti daytoy, kuna ni Ramos nga idi rabii ket nakaawat ti mensahe ti maysa kadagiti pulis nga adda ti nagpaputok ti paltog.
Nupay kasta, idi tawagan ti pulis ti nasao a numero a nangipatulog ti mensahe ket i-cancel na ti tawag rason nga itay bigat da laeng a nakumpirmaran daytoy.
Inbatad na a bsar kadagiti karruba ti saan nan nga innaganan a suspek ket rumrumwar a nagriri da nga agasawa nga isu ti rason ti panagpaputok na ti paltog.
Kunana a kalpasan ti insidente ket dagus met laeng a pimmanaw ti suspek iti lugar da.
Kabayatanna, nagpanawagan met daytoy iti publiko a no adda ti ipadanon da a report ket masapol nga impormasyon gapo ta confidential met ti nagan dagitoy.
