LAOAG CITY – Inpakaammo ni Mrs. Valerie Talamayan, OIC Information Officer, DepEd Ilocos Norte a balligi ti pannakaiyuswat ti umuna nga aldaw ti limited face-to-face classes ditoy probinsya.
Segun ken ni Talamayan, siyam manipod iti 100 a pagadalan a naipaayan ti pammalubos manipod iti DOH ti immuna a nangiyuswt ti face-to-face classes.
Inbatad na a tallo ti pagadalan iti ili ti Dumalneg, Pinili, dua iti Bangui ken maysa iti ili ti Marcos.
Kabayatanna, kuna ni Talamayan a manipod iti kabuklan a 383 nga estudyante a sumrek iti pagadalan idi kalman ket 353 laeng dagiti simrek.
Inlawlawagna a kangrunaan a saan a nakastrek ket dagiti agsagsagaba ti panateng wenno an-anayen ti ti bagi dagitoy.
Mainaigi ti daytoy, inpakaammo ni Talamayan nga adda dagiti nadutukan nga shool nurses kadagiti pagadalan tapno maobserabaran a naimbag dagiti masurot a protocols ken katulonganda dagiti barangay health workers (BHWs).
Paset ti panagsarita ni Mrs. Valerie Talamayan, OIC Information Officer, DepEd Ilocos Norte.
