LAOAG CITY – Gumatang ti Bureau of Corrections (BuCor) kadagiti sando ken suplay ti danom para kadagiti persons deprived of liberty (PDLs) kadagiti amin a pasilidad ti Bureau of Corrections.
Daytoy ket iti baet ti mapaspasaran a kinabara ti panawen ditoy pagilian ken posible a kumaro pay apaman a sumrek iti panawen ti kalgaw.
Inbilinen ni Director General Gregorio Catapang Jr. ni CT/CSupt. Ma. Cecilia Villanueva, acting director for Health and Welfare Services (DHWS) ken chief ti New Bilibid Prison Hospital nga asikasoen ti panaggatang kadagiti sando ken danom.
Inbilin met ni Villanueva kadagiti amin nga Health service chiefs nga i-monitor ken ipatungpal ti amin a posible a preventive actions.
Addaan laeng ti 24 oras ti Health service chiefs tapno mangisubmitir ti update.
Nangiruar metten ti memorandum ni Villanueva a nagballaag iti amin mainaig iti masansan a sakit tunggal nabara ti paniempo.
