LAOAG CITY – Inpakammo ni Governor Matthew Marcos Manotoc a basar iti kaudian a datos, nasurok P128 a milyon ti balor dagiti nadadael ditoy probinsya gapu iti isasaplit ti bagyo Neneng.
Kuna na nga adda ti 15 a munisipalidad dagiti naapektaran ken 111 a barangay.
Manipod kadagiti lugar nga apektado adda ti 4, 282 a pamilya ken 98 dagiti naibakwit wenno 292 nga indibidual.
Mainaig iti daytoy, inpakaammo ti gobernador nga adda ti tallo a nasugsugatan, dua a naminpinsan a nadadae a balay ken 59 dagiti Partially damaged.
Kabayatanna, addan ti 1, 190 Food Packs ti naibunong.
Immunana a naipakaammo nga adda ti siyam nga indibidual naisalakan iti Brgy. Madiladig ditoy siudad, maysa iti Brgy. 22 ken Brgy. 29, Laoag City kasta met iti Brgy. Nagrebcan iti ili ti San Nicolas idinto nga uppat iti ili ti Bangui ken walo iti ili ti Solsona
Sumagmamano a rangtay ken kalsada dagiti temporaryo a saan a madalyasatan gapu iti pannakadadael dagitoy wenno apektado ti panagreggay ti daga.
