LAOAG CITY – Umaboten iti ₱1.12 bilyon ti balor dagiti nadadael iti sektor ti agrikultura gapu iti Bagyo Crising, Dante, Emong ken epekto ti abagat.
Basar iti Department of Agriculture, mapatta-patta a 26,566 a metriko tonelada ti napukaw a produksyon a nakaapektar iti 45,408 a mannalon ken mangngalap.
Inbatad ti ahensya nga umabot iti 43,741 nga ektarya uiti pagtatalunan ti naapektaran iti Cordillera Administrative Region, Ilocos, Cagayan Valley, Central Luzon, Calabarzon, Mimaropa, Bicol, Western Visayas, Zamboanga Peninsula, Northern Mindanao, Davao Region, ken Soccsksargen.
Nagballaag ti Department of Agriculture a possible a manayunan pay ti balor dagiti nadadael gapu ta agtultuloy paylaeng ti assessment.
