LAOAG CITY – Saan nga inawat ti Automated Counting Machine ti balota dagiti innem a botante iti Barangay Pias Gaang iti ili ti Currimao.
Daytoy ket naduktalan babaen ti naiget a panagsursor ti Bombo Radyo Laoag News Team kadagiti nagduduma a polling precincts iti Pias-Gaang Elementary School iti nasao nga ili.
Basar kadagiti nagserbi kas Electoral Board, adda ti 832 a botante ti Barangay Victoria iti ili ti Currimao no sadinno dua kadagitoy ket saan nga inawat ti Automated Counting Machine ti balota dagitoy kalpasan a nasuratanda dagiti balotada.
Malaksid iti daytoy, adda ti tallo a botante ti Barangay Gaang iti ili ti Currimao ti aksidente a nasuratanda ti bar code ti balotada pakairamanan ti maysa pay a botante ti Barangay Pias Norte iti nasao nga ili.
Naammoan nga adda ti sumurok tallo a ribu ti nagbutos iti nasao a Voting Center pakairamanan iti Barangay Victoria, Gaang, Anggapang Norte, Anggapang Sur, Pias Norte ken Salugan iti ili ti Currimao.
