LAOAG CITY – Nagballigi dagiti kameng ti Philippine National Police (PNP) ditoy ciudad ti Laoag iti panangidaulo ni Police Lt. Col. Mar Louise Bondoc, ti chief of police ditoy ciudad a napan nangiserbi ti warrant of arrest gapu iti kaso a theft kontra iti maysa a balud iti Bureau of Jail Management and Penology (BJMP).
Ti akusado ket agtawen ti 30, awanan ti asawa ken residente iti Sitio Lusong, Brgy. 29 ditoy ciudad.
Basar iti PNP-Laoag, ti akusado ket agdama a nakabalud iti BJMP gapu iti kaso na a panaglabsing ti Republic Act (RA) 9165 wenno Comprehensive Dangerous Drugs Act of 2002, RA 9516 wenno Unlawful Possession of Explosives ken RA 10591 wenno Comprehensive Firearms and Ammunition Regulation Act.
Nairekomendar ti 10 ribo a pisos a pagpiyansa ti akusado para iti baro a kaso na.
