LAOAG CITY – Agtultuloy a maag-agasan iti ospital ti maysa a balud kalpasan nga imminom ti muriatic acid iti Ilocos Norte Provincial Jail.
Nabigbig ti balud a ni Leonardo Ramos a taga ili ti Vintar ken addaan ti kaso a murder.
Segun kenni Provincial Guard II Robert Reyes, possible a ti nangitunda nga imminom ti biktima ti sabidong ket gapu ti saan a panangbisita ti pamilya na.
Kuna na nga umabot ti agarup uppat a bulan ti a saan a bisbisitaen ti miembro ti pamilya na.
Inbatad ni Reyes a kalpasan a nakita dagiti kakadua na iti selda ket dagus nga intaray da iti Gov. Roque Ablan Sr. Memorial Hospital.
Innayon ni Reyes a maiyakar ni Ramos iti Laoag City General Hospital tapno sang-sangkamaysa a bantayan da karaman dagiti dua a balud a nakaconfine iti nasao nga ospital.
