LAOAG CITY – Kinumpirmaran ni Fire Chief Inspector Bonifacio Sacatrapos, City Fire Marshal iti Bureau of Fire Protection iti siudad ti Batac a kusina ti nangrugian ti uram iti pagtaengan iti Brgy. Quiling Sur iti siudad ti Batac.
Possible a namunganay ti uram manipud iti dalikan ti nasao a pagtaengan.
Kuna na a naaramid ti pagtaengan babaen kadagiti alisto a mauram a materyales kas iti labig, plywood ken adda pay dagiti pagsungrod a kayo ken nakapenpen a tablon.
Segun kenni Sacatrapos, dagiti nasao a materyales ti nangitunda a dimmakkel ti uram nangruna iti nakapasresponde dagitoy.
Inbatad na a mapatta-patta nga umabot iti maysa a milyon ti balur dagiti nauram a ramit ti maseknan a pamillya agraman dagiti nakapenpen a 56 a sako nga irik ken ti lima a kaban ti bagas.
Innayon ni Sacatrapos nga agtultuloy ti imbestigasyon da kalpasan ti insidente.
