LAOAG CITY – Ilunglungalong ni Senate President Win Gatchalian ti pannakaipawil iti cross-ownership kadagiti generation company (GenCo) ken distribution utility (DU) tapno maaddaan ti competitive environment iti sector ti kuryente ken maipababa ti singir ti kuyente.
Iti maysa a rakurak, kuna ni Gatchalian nga inlungalongna ti Senate Bill No.1091 a gagemna ti pannakaamendar ti Republic Act No.9136 wenno ti Electric Power Industry Reform Act (EPIRA) of 2001.
Iti babaen ti nasao a linteg, maipawil iti aniaman a GenCo, pakairamanan ti subsidiary wenno affiliate daytoy, ti interes wenno panagtagikua iti aniaman a DU, ken kasta payen kadagiti DU nga maaddaan ti interes kadagiti GenCo.
Kunana a no awan ti panangipawil iti cross-ownership, narigat a masigurado no ti maysa a DU ket umno met laeng ti serbisiona para kadagiti pagsayaatan ti konsyumer.
