LAOAG CITY – Nagballaag ti toxic watchdog BAN toxics kontra kadagiti Halloween items kageddan ti panangrugi dagiti tiendaan nga agiruar kadagiti item para iti nasapa a panaggatang iti Halloween.
Binallaagan ti grupo ti publiko kontra iti panaggatang kadagiti costume ken dekorasion ti Halloween a mabalin a naglaon ti makasabidong a lead ken cadmium, dagiti kemikal a nakalista kas kangrunaan a risgo iti salun-at ti publiko.
Basar iti market monitoring ti BAN Toxics, innem nga Halloween masks ti nakita nga addaan ti chemical content usar ti Vanta C Series HH XRF Analyzer.
Malaksid iti daytoy, dagiti amin a masks ket napaay a sumurot ti maipatpatungpal a pagannurutan iti panag-label ti produkto kas naiyataday iti Republic Act No. 10620 wenno ti Toy and Game Safety Labeling Act of 2013.
Naammoan a ti Cadmium ket am-ammo nga addaan ti makasabidong nga epekto iti bato, skeletal system, respiratory system ken maibilang kas human carcinogen.
