LAOAG CITY – Narekobre dagiti kameng ti Explosive Ordnance Disposal ti maysa a vintage bomb a nabayagen a nakadisplay wenno nakaisemento iti sango ti Barangay Hall iti Brgy. 43 Cavit ditoy siudad ti Laoag.
Segun kenni Police Lt. Col. Rafael Lero, hepe ti PNP Laoag, nagreport ni Barangay Chairman Jerry Alonzo mainaig ti vintage bomb.
Dagus nga inpakaammo ni Lero iti biang ti EOD ken insegida a nagresponde dagiti otoridad.
Kuna ni Lero a maibilang a general purpose (GP) bomb daytoy gapu ta kabaelan na a pabettaken ti maysa a sitio ti barangay.
Naduktalan daytoy gapu ti panagubra para iti pannakalinong ti basketball court iti sango ti barangay hall.
Ikkaten kuma dagiti maseknan ti nasao a banag gapu ta madalapos idi ta naripar nga addaan ti propeler ken nagamak da a possible a bomba daytoy.
Kabayatanna, inbatad ni Alonzo a grade 5 pay laeng ket nakadisplay daytoy iti nasao a lugar.
