LAOAG CITY – Porsigido nga agreklamo ti saan a nabigbnig a band master iti Internal Affairs Service iti Ilocos Norte Police Provincial Office kontra kadagiti pulis a kameng ti PNP Burgos a maipagarup a nangbastos kadakuada bayat iti maysa a pasken itay kallabes.
Segun ti band master, kalpasan ti panagtukar da ket naggummong dagiti lima a tattao ket nabilin ti agnagan ti Bernardino a napan iti lugar na ken nagsao-sao kontra kenkuana.
Kuna ti band master a nabilin nga ited na ti cellphone na ken mapunas dagiti video.
Kabayatanna, inbunannag ti band master nga adda pay ti nakakita iti pulis nga insenyas na iti arig a panangiwa iti tengnged na.
Gapu iti daytoy, naibalakad iti band master nga agturong iti IAS tapno agreklamo kontra kadagiti pulis a maipagarup a nanggulo.
Kabayatanna, binilinen ni Police Col. Cesar Pasiwen, provincial director iti Police Provincial Office ti hepe ti PNP Burgos a ni Police Capt. Sheryl Guzman nga agreport ken tapno maipilaan ti reklamo kontra kadagiti pulis a nagsala-sala iti maysa a pasken itay kallabes iti nasao nga ili.
Nabigbig dagiti pulis nga isuda Police Staff Sgt. Jimmy Hufancia, Police Cpl. Celform Mark Briones.
Gagem ti director a maikkan ti pagmennamenaan dagiti maseknan kalpasan ti naaramidan da iti maysa a pasken.
Naamuan ti Bombo Radyo a dagiti nasao a pulis ket isuda dagiti nadesgrasya a nagsarili idi Enero 29, 2019.
Makaunget pay ni Pasiwen gapu ta timmawag kenkuana ni Mayor Vicente Garcia mainaig iti nasao a pasamak.
Kabayatanna, iyur-uray ni Police Major Orlando Olinda Jr. mangidadaulo iti Provincial Internal Affairs Service ti opisyal a report manipud iti chief of police ti PNP Burgos tapno adda ti pagibasaran nga agpila ti reklamo.
