LAOAG CITY – Nakarekobre dagiti otoridad ti banga-banga ti tao manipod iti Taal Lake kabayatan ti search ken retrieval operations para kadagiti nagpukaw a mammallot.
Daytoy ti inpakaammo ni Department of Justice Secretary Jesus Crispin Remulla.
Segun ken ni Remulla, malaksid iti banga-banga no sadinno nga adda pay ti ngipen, ket adda pay dagiti tultulang ti tao a narekobre iti taal lake.
Inpetteng ni Remulla a dagiti tultulang ti tao ket narekobre iti lugar nga intudo ti whistleblower a ni Julie “Dondon” Patidongan.
Immunan nga inbutaktak ni Patidongan a nasurok a 100 a mammallot ti nakautibo, napapatay ken naibelleng iti Taal Lake.
