LAOAG CITY – Naisangpeten ditoy ciudad ti Laoag ti bangkay ni dati a first District Rep. Roque Ablan Jr. manipud St. Alphonsus Mary de Liguori Parish idiay Makati City nga immun-una a nakaimansayaganna kalpasan a pimmusay idi Marso 26 gapu iti coronary artery disease iti tawen na nga 85.
Pasado alas onse idi bigat kalman iti agdisso ti C295 nga eroplano a kukua ti Philippine Airforce a nakailuganan ti bangkay ti diputado iti Laoag International Airport.
Sinabat daytoy dagiti kameng ti pamilya na, papagayam ken kinadkaduana iti pulitika.
Naideretso daytoy iti mismo a pagtaengan da iti Bgy. 8 ditoy ciudad ti laoag para iti balbaliw a pannakimansayag na pangiyur-urayan ti pannakaitabon na.
Maipalagiap a ni Ablan ket nagserserbi nga Ilocos Norte provincial board member idi 1963.
Idi 1968, naelektaran a mangibagi iti First District ti Ilocos Norte idiay Kongreso a no sadinno a naiserbi na ti dua a termino agingga idi 1972.
Nagsubli ni Ablan iti Kongreso manipud 1987 nagpatingga idi 1998.
Idi1998,nagpaidaisg ni Ablan para Gobernador ngem naabak ken ni dati a Sen. Ferdinand “Bongbong” Marcos Jr. ken di 2001, naelektaran manen iti Congress ken nagserbi agingga idi 2010.
