LAOAG CITY – Kinumpirmaran ni Police Major Joseph Baltazar, ti chief of police ti PNP-Vintar ti pannakarekobre ti bangkay ti maysa a baket idiay Barangay 1 iti nasao nga ili.
Binigbig ni Baltazar ti biktima a ni Teresita Foronda, maysa a senior citizen ken residente iti nasao a barangay.
Ummuna iti daytoy, kuna ni Baltazar nga idi dinamag ti karruba ti biktima no ayan na ket inbatad laeng ni Foronda nga adda iti CR.
Nupay kasta, kuna na a kalpasan ti dua agingga iti tallo nga aldaw ket nagbalaw dagti karruba ti biktima gapo ta saan a rumrumwar daytoy, ken naka-lock ti ridaw na.
Segun kenni Baltazar, idi naireport kadakuada ken dagus d a nagturong iti lugar ken inuli dagiti kameng ti MDRRMO ken BFP ken ditoy a naduktalan a nakadasay ti biktima iti asideg ti CR ti balay na.
Agpapan maisursurat ti damag ket saan a makumpirmaran ti hepe no pudno a naigalis ti biktima gapo ta ur-urayen da ti resulta ti panangeksamin ti doktor.
Naamoan a ni Foronda ket agmaymaysa nga agbigbiag.
